മ്യുച്ചൽ ഫണ്ടുകൾ ഏജന്റിന് നൽകുന്ന കമ്മീഷൻ എത്രയാണ് ? ഡിസ്‌ട്രിബ്യുട്ടർ - അഡ്വൈസർ തമ്മിൽ വത്യാസമുണ്ടോ ??

മ്യുച്ചൽ ഫണ്ട് കമ്പനികൾ അവരുടെ റെഗുലർ പ്രോഡക്റ്റ് വിൽക്കുന്ന ഏജന്റിന് നൽകുന്ന ഫീസാണ് മ്യുച്ചൽഫണ്ടിലെ കമ്മീഷൻ. പല ഫണ്ട് ഹൗസുകളും പലരീതിയിൽ പല സ്‌കീമുകൾക്കായി കമ്മീഷൻ നിരക്കുകൾ തന്നെ പ്രഖ്യാപിച്ചിട്ടുണ്ട്.   ഇത്തരം ഏജന്റ് കമ്മീഷൻ ഫണ്ടിന്റെ TOTAL  EXPENSE  RATIO യുടെ ഭാഗമാണ് എന്നതുകൊണ്ട് തന്നെ നിക്ഷപകർ പരോക്ഷമായി നൽകേണ്ട ചാർജുകൾ ആണ് ഇവ. മ്യുച്ചൽഫണ്ട് നിക്ഷേപങ്ങളിൽ വരുന്ന ചാർജുകൾ താഴെപറയുന്ന വിധമാണ്. 

1) ONE TIME TRANSACTION CHARGES 

ആദ്യമായി റെഗുലർ മ്യുച്ചൽഫണ്ടിൽ നിക്ഷേപിക്കുന്ന ഒരാളിൽ നിന്നും 150 രൂപയും. നിലവിലെ നിക്ഷേപകനിൽ നിന്നും 100 രൂപയും ഒറ്റതവണയായി ഈടാക്കാറുണ്ട്. ഇവ ഒറ്റത്തവണ മാത്രം നൽകേണ്ടതിനാലും, ഏജന്റിന് ട്രാൻസാക്ഷൻ പൂർണമാക്കേണ്ടതിനായും വരുന്ന ചിലവുകൾ നോക്കിയാൽ ഈ തുക നാമമാത്രമാണ്. നിക്ഷേപിച്ച തുകയിൽ നിന്നും ഈ ചാർജ് കമ്പനി പിടിക്കയാണ് പതിവ്. ഒറ്റത്തവണ നിക്ഷേപങ്ങൾക്ക് ഒറ്റതവണയായും എസ് ഐ പി നിക്ഷേപങ്ങൾക്ക് 25 രൂപ വീതവും ഇത്തരത്തിൽ AMC ഈടാക്കും. 

2) UPFRONT COMMISSION

നിക്ഷേപകൻ സ്‌കീമിലേക്ക് എപ്പോഴൊക്കെ പുതുതായി പണം നിക്ഷേപിക്കുന്നുവോ അപ്പോഴൊക്കെ ഏജന്റിന് ലഭിക്കുന്ന കമ്മീഷൻ ആണിത്. ഈ തുക ടോട്ടൽ എക്സ്പെൻസ്‌ റേഷ്യോയുടെ ഭാഗവും നിക്ഷേപകൻ പരോക്ഷമായി നൽകേണ്ടതുമാണ്.  ( 2018 ൽ  സെബിയുടെ നിർദ്ദേശപ്രകാരം അസറ്റ് മാനേജ്‌മന്റ് കമ്പനികൾ UPFRONT  COMMISSION നൽകാൻ പാടുള്ളതല്ല. എങ്കിലും SIP മോഡിൽ സ്വീകരിക്കുന്ന നിക്ഷേപങ്ങള്ക്ക് കമ്മീഷൻ മുൻ‌കൂർ നൽകാവുന്നതാണ് ). 

3) TRAIL COMMISSION

നിക്ഷേപം പിൻവലിക്കാതെ തുടർന്നുകൊണ്ടിരുന്നാൽ  വർഷാവർഷം നിക്ഷേപകന്റെ ആസ്തിയുടെ ശതമാനക്കണക്കിൽ ഏജന്റിന് ലഭിക്കുന്ന കമ്മീഷൻ ആണ് ട്രെയിൽ കമ്മീഷൻ. ട്രെയിൽ കമ്മീഷൻ ഫണ്ട് ഹൗസുകളെയും അവരുടെ  പ്ലാനുകളെയും അടിസ്ഥാനമാക്കി പല നിരക്കിലാണ് നൽകുന്നത്. നിക്ഷേപത്തിന്റെ മൊത്തം വാല്യൂ കണക്കാക്കി  0.1%  മുതൽ 1% വരെയാണ് സാദാരണ ട്രെയിൽ കമ്മീഷൻ നൽകാറുള്ളത്. നിക്ഷേപകന് പുതുതായി ഒന്നും നിക്ഷേപിച്ചില്ല എങ്കിൽ പോലും അയാൾ  പിൻവലിക്കുന്നതുവരെ ട്രെയിൽ കമ്മീഷൻ ലഭിക്കും. 2018 ലെ സെബി നിർദ്ദേശം പ്രകാരം ഫണ്ട് ഹൗസുകൾ കമ്മീഷൻ മുഴുവനായും ട്രെയിൽ മോഡിൽ ആണ് നൽകേണ്ടത്. എന്നാൽ SIP മോഡിൽ മാത്രം ട്രെയിൽ കമ്മീഷൻ UPFRONT ചെയ്തുകൊണ്ട് അഡ്വാൻസ് ആയിനൽകാൻ സെബി അനുവദിക്കുന്നു. 

ട്രെയിൽ കമ്മീഷൻ ഏജന്റിന് എത്ര ലഭിക്കും എന്ന് നോക്കാം

ഒരു മ്യുച്ചൽഫണ്ട് ഡിസ്‌ട്രിബ്യുട്ടർ  50 ക്ലയന്റുകളിൾ നിന്നായി 10 കോടി രൂപ ഫണ്ട് ഹൗസിലേക്ക് സമാഹരിച്ചെന്നു കരുതുക. വർഷാവസാനം മൊത്തം ആസ്തി വാല്യൂ കുറവൊന്നും വരാതെ 10 കോടിയായി തന്നെ കിടന്നാൽ അതിന്റെ 0.5% = 500,000 അഥവാ 5 ലക്ഷം രൂപ കമ്മീഷൻ ആയി ഏജന്റിന് ലഭിക്കും. 

ട്രെയിൽ കമ്മീഷൻ കൂടുതൽ ലഭിക്കാൻ ആസ്തി വളരുകയും നിക്ഷേപകന് നിക്ഷേപത്തിൽ വിശ്വാസം വരികയും വേണം എന്ന സദുദ്ദേശത്തിൽ ആണ് സെബി പ്രയോഗത്തിൽവരുത്തുന്നത്. എന്നാൽ പല ഫണ്ട് അഡ്വൈസർമാറും ദീർഘകാലം എന്ന മായാലോകം കാട്ടി ആവശ്യമുള്ളസമയത്ത് ചെയ്യേണ്ട പോർട്ടഫോളിയോ റീ ബാലൻസിങ്ങും എക്സിറ്റ് സ്ട്രെറ്റർജികളും ഒരിക്കലും നിക്ഷേപകർക്ക് നൽകാറില്ല. 

4) FEE DIRECTLY FROM INVESTORS

ഒട്ടുമിക്ക അഡ്വൈസർമാറും മുകളിൽ പറഞ്ഞ UPFRONT & TRAILING  COMMISSIONSനെ കുറിച്ച് ഒന്നും നിക്ഷേപകനോട് വെളിപ്പെടുത്താതെ, നിക്ഷേപിക്കുന്ന മൊത്തം ആസ്തിയുടെ ഒരു നിശ്ചിത ശതമാനം ( 0.5% മുതൽ 2% വരെ ) നിക്ഷേപത്തിനും പിന്നീടുള്ള സൗകര്യങ്ങൾക്കും എന്ന വ്യാജേനെ വാങ്ങാറുണ്ട്. ഇത്തരം ഫീസുകൾ അസറ്റ് മാനേജ്‌മന്റ് കമ്പനി നൽകില്ല മറിച് നിക്ഷേപകരോട് നേരിട്ട് ഏജന്റുമാർ വാങ്ങുന്ന തുകയാണ്. 

10 വർഷത്തേക്ക് കൊല്ലാകൊല്ലം 1 ലക്ഷം വീതം നിക്ഷേപിക്കുന്ന ഒരു വ്യക്തി റെഗുലർ ഫണ്ടിനായി നൽകുന്ന കമ്മീഷൻ ആണ് താഴെയുള്ള ചാർട്ടിൽ കാണിച്ചിരിക്കുന്നത്. 

10 വർഷത്തേക്ക് ഫണ്ട് ഹൗസ് തന്നെ ഏജന്റിന് ഒരാളിൽ നിന്നും മാത്രം 37000 രൂപയോളം കമ്മീഷൻ ഇനത്തിൽ നൽകുന്നുണ്ട്. ഇത്തരത്തിൽ 100 ക്ലയന്റുകൾ ഉള്ള ഒരാൾക്ക് ലഭിക്കാവുന്ന കമ്മീഷൻ ആലോചിച്ചുനോക്കാവുന്നതേ ഉള്ളു. ഈ കമ്മീഷൻ ഫണ്ട് എത്തിക്കുന്നതിന് മാത്രമാണ് എന്നുകൂടെ മനസിലാക്കുക. 

ഈ ലോകത്ത് ഒന്നും ഫ്രീ അല്ലെന്നും " FREE GIFTS ARE THE MOST EXPENSIVE GIFTS " എന്നും മനസിലാക്കിയാൽ തീരാവുന്ന കാര്യം മാത്രമേ റെഗുലർ ഫണ്ടുകളിലും ഏജന്റുമാരുടെ ഉപദേശങ്ങളിലും വിശ്വസിക്കുന്നവർ ചെയ്യേണ്ടതുള്ളൂ. ഏജന്റ് മൾട്ടി നാഷണൽ ബ്രോക്കെർ ആയാലും, ബാങ്ക് ആയാലും, ഫേസ്ബുക്കിൽ നല്ല ആർട്ടിക്കിളുകളും വീഡിയോയും ചെയ്യുന്ന ഫ്രീക്ക് മച്ചാൻ ആയാലും ഒന്ന് ചോദിക്കുക ..... " താങ്കൾ SEBI REGISTERED INVESTMENT ADVISOR " ആണോ എന്ന് ? കാരണം പല പേരുകളിലും മറ്റും ഇന്ന് വ്യാജ്യ ഉപദേശകർ വട്ടമിട്ടു പറക്കുകയാണ്. AMFI  REGISTERED DISTRIBUTOR എന്ന പേര് വച്ച് പലരും നിക്ഷേപങ്ങളെ മാനേജ് ചെയ്യുന്നതായി കാണാറുണ്ട്. പറയുമ്പോൾ INDEPENDEDNT FINANCIAL ADVISOR എന്ന ഓമനപ്പേരും ഇവർക്ക് കാണും... കാര്യം വ്യാജ്യനാണ് !!! ആംഫി രെജിസ്റ്ററെഡ് ഡിസ്‌ട്രിബ്യുട്ടർ എന്നാൽ വില്പന നടത്തുക എന്ന അർത്ഥം മാത്രമേ ഉള്ളു അല്ലാതെ ഫിനാൻഷ്യൽ പ്ലാനിംഗ് ഒന്നും ചെയ്യാനുള്ള നിയപരമായ അധികാരമോ ഫണ്ടുകളും നിക്ഷേപ ഉപദേശങ്ങളും നൽകാനുള്ള അധികാരമോ ഇവർക്കില്ല.  സെബി ഇവരെ കുറിച്ച് പറയുന്നത് നോക്കാം 

അപ്പോൾ കാര്യങ്ങൾ വ്യക്തമായി എന്ന് കരുതുന്നു. 

ഡയറക്ട് ഫണ്ടുകൾ സെലക്ട് ചെയ്യുബോൾ പ്രധാനമായ മറ്റൊരു കാര്യം  മനസിലാക്കുക. ഡയറക്ട് എന്നാൽ നിക്ഷേപകനും അസറ്റ് മാനേജ്‌മന്റ് കമ്പനിയും നേരിട്ട് നടത്തുന്ന ഇടപാടാണ്. അതായത് നമ്മൾ വാങ്ങേണ്ട ഫണ്ടുകൾ അതാത് കമ്പനിയുടെ ഓൺലൈൻ വെബ്സൈറ്റ് വഴി നേരിട്ടുള്ള പർച്ചേസ്. അതിൽ യാതൊരുതരത്തിലും ഉള്ള മധ്യസ്ഥൻ അല്ലെങ്കിൽ MIDDLE MAN എന്ന വസ്തുവിന്റെ ആവശ്യമില്ല (നിക്ഷേപകന്റെ ഫിനാൻഷ്യൽ പ്ലാനർ* ഒഴികെ). 

*മുകളിൽ പറഞ്ഞിരിക്കുന്ന ഫിനാൻഷ്യൽ പ്ലാനർ എന്നാൽ സെബി രെജിസ്റ്ററെഡ് FEE-ONLY PLANNER എന്നാണ് ഉദ്ദേശിച്ചിരിക്കുന്നത്. A fee only planner is a SEBI Registered investment advisor. The fee-only RIA charges a fee from investor for investment planning and will not receive any form of commissions or incentives from mutual fund / insurance / or any other financial product sellers either directly or indirectly. However fee-based planners are another category of investment advisors such that they can receive the commissions from AMC's. Hence conflict free advises cannot be expected.